إنذار

الفيرس الاول :

خلص ما بصيرش تضلك على نفس الموال

كذاب على اي اشي يا دجال

مفكر حالك رجال ترا بطلنا نصدقك

كلماله بتنقص مصداقيتك و هيه في زوال

يزم حتى على اعز اصحابك كذبت

ترا بالنسبه الي انت فسدت

بطلت اقدر اصدقك مهما حكيت

ولو للصبح ضليت تحلف انحفر ببالي انك عكيت

وصلت انك تكذب على حالك

و دمرت حياتك بايدك وديت نفسك

لهلاكك و كل مره سيئه اخرى

واذا ضليت زي منت مستقبلك راح يكون أسوا

عارف انك مش راح تقدر كل اللي بسويه عشان اعدل مسارك و اخليك شغوف

و قديش حاولت معك حتى مليت ضليت تسلكلي على امري لك بالمعروف

عتبي عليك على قدر المحبه فعدل من حالك

لانه كل اللي بسويه من نصيحه و الحاحي عليك عشانك

 

الكورس :

 

خذ هاض الحكي مني و اعتبره انذار

باشر بالصح ولا تخلق لنفسك اعذار

ولا تبرر الغلط تاعك انه عادي و صح

باشر بالصح ولا تهتم مهما المجتمع نبح

 

الفيرس الثاني :

 

ياخي ياريت بعض الناس عقلها يكبر

بحس كل ما تقدم بالعمر عقله بيصغر

لازم يتغير تفكيره و ينضج

ويبطل سب ويمشي على هاض المنهج

قبل ما تحترم الناس احترم عمرك

لانك تعتبر كبير فعدل من نفسك

ابعد عن الغلط و لا تمضي شبابك عليه

فمن شب على شيء شاب عليه

لا للتكبر هوه شعاري في هذي الحياه

لما تتكبر مش راح توخذ اللي بدك اياه

من مدح و تكبير بالعكس

راح توخذ ذم و تصغير و ينقل حياك

ياخي على شو بتتكبر نفسي افهم

كلنا نهايتنا القبر و انت تعلم

لما تتكبر ما بتزيد برجولتك عند الناس

لانه التكبر لا يعتبر للرجوله مقياس

 

الكورس :

 

خذ هاض الحكي مني و اعتبره انذار

باشر بالصح ولا تخلق لنفسك اعذار

ولا تبرر الغلط تاعك انه عادي و صح

باشر بالصح ولا تهتم مهما المجتمع نبح

 

الفيرس الثالث :

 

بقول نفسي احب زي ما بحب حولي من الناس

سيبك من التقليد الاعمى لا توخذهم مقياس

يعني اذا الناس بغلطوا عادي تكون زيهم

لا تقلدهم لانهم في شتات و معمي ضيهم

لانه كل اللي بسووه غلط بغلط

لازم يطيعوا ربنا و هذا الشيء مفترض

لكن بسووا العكس و بفعلوا العبط

حتى لو بدايته حلوه صدقني اخرته نكد

وانا بلومكيش بالحب لانه مشاعر

بس بلومك لما تستعجل و ما تكون صابر

للحلال لانه حسب مفهومه حاليا كله حرام

و بدايته ما بترضي ربنا راح تطلع خسران و ندمان

كلشي بوقته حلو استنى لتتهنى

عشان بدايته و نهايته يكونوا احلى

خلص اعطيتك الصافي بدناش نضلنا

نعيد بالمواضيع لانه طولنا

 

الكورس :

 

خذ هاض الحكي مني و اعتبره انذار

باشر بالصح ولا تخلق لنفسك اعذار

ولا تبرر الغلط تاعك انه عادي و صح

باشر بالصح ولا تهتم مهما المجتمع نبح